Ons Voorskoolse Projek

In die Voorskoolse Ontwikkelingsprojek poog ons om ouers te bemagtig met kennis om 'n blywende verskil te maak. Ons wys vir jou as ouer n strategie wat jy kan volg om jou kind se verstandelike, sosiale en emosionele vermoëns sistematies deur stimulasie en betrokkenheid te verbreed.

Omdat ons weet jy as ouer die beste geleenthede vir jou kind wil gee en net die nodige kennis kort om dit te doen, het ons 'n program saamgestel om jou te help daarmee...

Die program is 'n daaglikse uiteensetting van aktiwiteite om elke area van ontwikkeling aan te spreek. Dit dek areas soos taalontwikkeling, fynspier ontwikkeling, ouditiewe ontwikkeling, visuele ontwikkeling, wiskundige ontwikkeling en selfs groot motoriese ontwikkeling. Sosiale-en-emosionele ontwikkeling word ook nie uitgesluit nie.

Die OVO verskaf aan jou as ouer die nodige leiding, die nodige kennis en die motivering om 'n verskil vir 'n leeftyd te maak! In die proses raak ons betrokke as gesin en toon ons positiewe groei.

Fase 1:Oueraand

Die Oueraand is gewoonlik nie 'n aand wat op die jaarkalender aangedui word nie, maar tog uitdraai om die méés suksesvolste aand vir die jaar te wees!

Die aand word spesifiek geskep vir een rede en een rede alleen; die ontwikkeling van die gesin en die bekendstelling van die OVO se gesins-en-voorskoolse-ontwikkelingsprojek! Die Sprekers se jare ondervinding verseker dat ook die aand n sukses sal wees.

Die benadering is humoristies, kragtig en op die man af.

Aspekte soos die intellektuele ontwikkeling van n kind, wat gebeur in die skole van vandag, Tantrums, dissipline, ouerskap, die rol van die moderne ouer en die kleuterskool ens. is van die areas wat aandag gaan geniet. Die aand duur ongeveer 70 minute en as albei ouers dit kan bywoon beloof dit om n lewensveranderde ervaring te wees. Gaan lees gerus ons gunsteling briewe van ouers wat die aand reeds beleef het.

Fase 2:Werkswinkel

Die werkswinkel is n voortsetting van die oueraand. Gewoonlik op 'n daaropvolgende Vrydag of Maandagaand. Alles wat op die oueraand bespreek is word in meer diepte behandel op die werkswinkel.

Aspekte wat op die werkswinkel gedek word is:

• Praktiese demonstrasie van breinselverbindinge
• Stimulasie wat ouers tuis be-oefen
• Hoe om jou kind se voorsprong te verseker
• Wat moet jy doen wat die gewone ouer nie doen nie
• Die OVO projek
• Evaluering van jou kind en mylpaal bereiking
• Dissipline, dissiplineringsmetodes, algemene ouerskap kwessies
• Terminologie wat in kinderontwikkeling gebruik word
• Herstel van jou kind se probleemareas
• Addisionele oefeninge
• Rekenaar-programme en leer lees en skryf
• Resultate, resultate, resultate
• Stimulasie materiaal vir ontwikkeling