Agtergrond

Die OVO se benadering deur die gebruik van die 3 goue sleutels van ouerskap en optimale ontwikkeling verseker dat ouers altyd die beste vir hul kinders kan gee sonder die swoeg en sweet!! Die drie goue sleutels is juis ontwerp vir die besige ouer wat nie meer tonne tyd het nie maar tog n blywende verskil wil maak en die beste vir sy kind wil gee!

Die OVO is 'n christelike organisasie wie se deure geopen is in Maart 1984 met een doel voor oë; die ontwikkeling van die gesin as 'n geheel, om ouers weereens bewus te maak en te help met hul taak as opvoeders!

Die klem op christelik beteken dat alle ontwikkeling en leiding wat verskaf word gebaseer is op 'n christelike waardesisteem as kern tot ons en ook die ouers se sukses. Deur die voorskoolse ontwikkelings-projek word daar gepoog om alle onsekerhede van ouerskap uit die weg te ruim met praktiese leiding en ontwikkeling deur die bywoning van oueraande en demonstratiewe werkswinkels.

Die OVO sien homself egter slegs as 'n instrument in die volle potensiaalontwikkeling van die gesin, en meer spesifiek die kind, kardinaal in die voortsetting van christelike waardes en standaarde.

Ons sprekers en ontwikkelaars is van hoogstaande gehalte met jare se ondervinding in die ondersteuning van ouers en leersinstellings. Die rede vir die sukses is a.g.v hul persoonlikhede, humoristiese benadering en algehele christelike oortuiging. Elke span is met sorg opgelei om ouers en kinders se lewens drasties te kom verander.

Die OVO is tans besig met  die ontwikkeling en leiding van ouers d.m.v. hierdie benadering.